Тибет денеска повторно беше погоден од серија земјотреси, овој пат со јачина од 5 и 5,1 степени според Рихтеровата скала.

Земјотресите се регистрирани во 13 часот и 57 минути, со епицентар на географска ширина 28,46 и географска должина 87,357. Хипоцентарот се наоѓал на длабочина од околу 10 километри, покажуваат податоците на Европско-медитеранскиот сеизмолошки центар.

Засега нема информации за жртви или штети, но надлежните органи внимателно ја следат ситуацијата, објави Ројтерс.

За потсетување, Тибет пред неколку дена беше погоден од разорен земјотрес со јачина од 7,1 степени според Рихтеровата скала, во кој, според последните податоци, животот го загубија 126 лица, а над 400 луѓе беа извлечени од под урнатините , но точниот број на жртви се уште не е познат, соопштија кинеските власти.

Хималајскиот регион и понатаму е под постојана закана од нови земјотреси.