„Катар ервејс“ денес соопшти дека речиси сите 20.000 патници на летовите што мораа да бидат откажани или пренасочени откако Иран испали ракети врз американската воена база во Катар во понеделник вечерта, биле ставени на нови летови во рок од 24 часа.

Иран започна ракетен напад врз американската воздухопловна база „Ал Удеид“ во Доха откако САД се придружија на нападите на Израел врз нуклеарните постројки на Иран, според „Ројтерс“.

Иранскиот напад ги принуди Катар, Кувајт и Бахреин привремено да го затворат својот воздушен простор, додека два аеродрома во Дубаи накратко го прекинаа воздушниот сообраќај, што исто така предизвика одложувања.