Јувентус до денешниот пораз од Беневенто и тоа на домашен терен, може да се прости од одбрана на титулата бидејќи сега заостанува десет бода зад лидерот Интер, а набрзо по натпреварот, директорот Фабио Паратичи ја објави најважната вест.
Таа не се однесува на судбината на тренерот Андреа Пирло, туку на најдобриот играч Кристијано Роналдо, кој останува во Торино и наредната година.
– Донесовме конечна одлука. Роналдо останува со нас и наредната сеозна. Тој е најдобриот играч на светот и сакаме да остане во нашиот тим – изјави Паратичи.

Сезонава за Јувентус е разочарувачка, речиси сигурно е дека ќе остане без титулата во Серија А, а веќе е елиминиран и во Лигата на шампионите па единствена шанса за трофеј им е Купот на Италија каде ќе очекува финале против Аталанта.