По првите автомати во Атина, Едеса, Птолемаида и Аминтео, ќе следат уште четири во Солун. Маслиново масло од автомати. Оваа можност ја нуди ахајска компанија, Ахајан Ленд, која ја „готвела“ идејата цели седум години, за конечно да ја спроведе во пракса во јануари 2025 година, кога првите четири вендинг машини беа поставени во Атина, Едеса, Птолемаида и Аминтео.

Тие исклучиво ја имаат етикетата на ахајската компанија „Oeлиа Тера“, што се однесува на екстра девствено маслиново масло, кое е достапно во метални пакувања од 250 мл, 500 мл и 750 мл, забалежува То Вима.

„Тоа е визија што ги комбинира традицијата со технологијата, овозможувајќи им на сè повеќе потрошувачи лесно и брзо да стекнат автентичен грчки производ со врвен квалитет, каде и да се и по конкурентна цена“, вели еден од двајцата основачи на ахајскиот бизнис, Костас Камперос.

Тој исто така забележува дека со инсталирањето и работењето на првите четири автомати во горенаведените области, ахајската компанија го инаугурираше својот влез на грчкиот пазар, бидејќи, како што објаснува, претходно имала извозна ориентација, насочувајќи 90% од своите производи кон Германија, Обединетото Кралство и Франција, додека дискусиите за отворање нови пазари (Бугарија и САД) се во напредна фаза.

„Прифаќањето од грчките потрошувачи во првите седум месеци од работењето на четирите автомати за маслиново масло е задоволително“, нагласува Камперос, најавувајќи дека до крајот на 2027 година, уште 150 автомати ќе бидат инсталирани во главните урбани центри во земјата.

Поточно, како што вели тој, најдоцна до крајот на 2025 година – јануари 2026 година, најмалку четири автомати на компанијата „Ахај“ ќе работат во централните точки на Солун. Компанијата е базирана на 10.000 корени маслинки во префектурата Ахаја, со вкупно годишно производство од 50 до 60 тони масло.