Без разлика на која генерација припаѓате, вестите на Ем-ти-ви (MTV) им се добро познати на сите. Ова ја објаснува посебната приврзаност на гледачите за оваа платформа, па не изненадува тоа што веста за нејзиното откажување одекна доста гласно.

После 36 години, Ем-ти-ви Њуз е официјално затворен, а причината наводно се крие во масовните отпуштања, односно фактот што матичната компанија го намалила постоечкиот тим за цели 25%, што следствено доведе до неможност за нормално функционирање на брендот.

MTV News is shutting down as Paramount Media Networks moves to slash headcount in an effort to cut costs. https://t.co/AdozfLAuEb

— CBS News (@CBSNews) May 9, 2023

Каналот започна пред повеќе од три децении со шоуто „The Week in Rock“ чиј водител беше Курт Лодер. Следеа голем број други емисии и формати кои ја одбележаа поп културата.

На социјалните мрежи, фановите на Ем-ти-ви Њуз, го изразија своето жалење поради затворањето. Љубителите на поп културата истакнуваат дека ова е навистина крај на ерата со која пораснале, која навремено ги информираше за вести и содржини кои лесно го ноѓаа патот до публиката.

Крис Мекарти, од (Showtime/MTV Entertainment Studios) и претседател на Парамонт медиа нетворкс (Paramount Media Networks), изјави за Варајети (Variety) дека ова е тешко, но важно стратегиско преуредување на компанијата и дека со елиминирање на одредени единици и рационализирање на други, ќе биде можно да се намалат трошоците, што ќе придонесе за подобар целокупен бизнис и напредок.