Извештајот на судскиот совет во понеделникот потврди дека смртта на германската планинарка минатата среда во клисурата Самарија на островот Крит била поради прекумерно крварење откако била погодена од паѓање на камењата, пренесе Катимерини. 

Вештачењето покажало „олигемичен шок од трауматско кинење на крвните садови на долните екстремитети“.

Несреќата се случила откако ненадејниот дожд резултирал со лизгање на земјиштето во многу делови од клисурата, вклучувајќи ја и точката Портес, која е најтесниот дел, лоцирана во близина на излезот.

Камењата кои паднале одозгора ја погодиле 35-годишната жена, која починала речиси веднаш.

Самарската клисура е популарна туристичка атракција, особено меѓу планинарите.