Кејт Мос и рокерот Пит Доерти некогаш беа вљубен пар, но веќе 12 години тие не се заедно. Во последно време, таа добива необични писма од него, кои ја вознемируваат со содржината.

Таа добила писмо со стихови кои освен нејзе, го вознемириле и нејзиното сегашно момче, Николај Бизмарк. Заедно со песната, тој ѝ испратил и фотографија од нив двајца. Бизмарк смета дека Кејт не треба никако да му одговори на Доерти, за да не го охрабрува и натаму да продолжува со ваквото прогонување.

Пит Доерти е познат по неговото скандалозно однесување, а во текот на двегодишната врска со Кејт, тој повеќепати бил апсен поради проблемите со дрогата и алкохолот. Тој во повеќе интервјуа изјавувал дека ја сака со целото негово срце и дека ги сака дури и нејзините коски. Во времето додека беше со него, Кејт неколкупати губеше ангажмани, особено поради фотографиите на кои се гледа како користи дрога.