Поранешниот фудбалер на Барселона Жерар Пике по жалбите на Реал Мадрид за арбитражата во Ла Лига се огласи во јавноста со критики на сметка на „кралевите“.

Жалбите Реал Мадрид ги истакна преку својата клупска телевизија, но и испрати отворено писмо до Фудбалската федерација на Шпанија.

„Тоа што го прават не е ништо ново, тие 120 години се жалат и се однесуваат на тој начин. Кога ќе изгубат, гледаат да почнат друга тема, постојано имаат помош и од медиумите кога не им оди како што треба. Сите сме навикнати на тоа“, изјави Пике.

Не застана тука Пике, па ја коментираше и трансфер политиката на двата шпански гиганти.

„Во Шпанија и денес играат многу таленти со тоа што Барселона ги создава, а Реал Мадрид ги купува“, истакан Пике.

На табелата во Ла Лига сезонава, Реал Мадрид е лидер со 48 бодови, Атлетико е втор, додека Барселона на третата има 45.