Пратеничката на СДСМ, Славјанка Петровска, вечерва во „Само вистина“ на „Канал 5“ ја коментираше актуелната политичка ситуација, наведувајќи дека „сите закони предложени од опозицијата се осудени на неуспех уште пред да започнат да се разгледуваат“. Според неа, и најдобрите предлози ќе бидат одбиени само поради политичките прилики.

„Ако некој од опозицијата предложи закон, тој однапред е осуден на пропаст, дури и да е најдобриот“, рече Петровска.

Таа исто така се осврна на пакетот закони во правосудството и реформите кои, како што рече, „беа најавени со голем пропаганден акцент“, но досега не се спроведени. „Од тие најавувани реформи, ништо нема до денеска“, додаде таа.

Во однос на ветувањата дадени пред изборите, Петровска нагласи дека институциите кои се под раководство на актуелната власт не покажуваат доволен капацитет да ги исполнат таквите ветувања.

„На ветени проекти и постизборно, во институциите со кои раководат, немаат капацитет ниту ветувањата да си ги исполнат“, вели Петровска.