Претседателот на партијата Македонски концепт, Петар Богојески, соопшти дека е избран да биде дел од наставниот кадар на Воената академија „Генерал Михаило Апостолски“ Скопје откако објави дека го напушта директорското место во Националната агенција за европски образовни програми и мобилност.

„Со особено задоволство и почит ве известувам дека бев избран во наставно-научно звање од страна на Наставно-научниот совет на Воена академија – Скопје. Со тоа и официјално сум дел од наставната фела на оваа највисоко реномирана, научна и образовна институција! Во исто време, продолжувам со научната и образовна дејност на Универзитетот за мир на Обединетите нации, Њујорк, САД. Се гледаме наскоро и во служба на народот“, пишува Богојески на Фејсбук.