Портпаролот на Кремљ, Дмитриј Песков, денес изјави дека севернокорејскиот лидер Ким Џонг Ун ја прифатил поканата на рускиот претседател Владимир Путин да ја посети Русија, но додаде дека точниот датум на таа посета сè уште не е договорен.

Песков ги отфрли обвинувањата на американскиот претседател Доналд Трамп дека Русија, Кина и Северна Кореја прават „заговор“, додавајќи дека соработката на Русија со Кина и Северна Кореја им помага на тие земји, но не е насочена против никого, пренесува РИА.

Тој, исто така, оцени дека германскиот канцелар Фридрих Мерц дал многу „неповолни“ коментари за Путин, пренесува Танјуг.

Песков истакна дека мислењето на Мерцо не треба да се сфаќа сериозно, вклучително и она во врска со потенцијалната локација на преговорите меѓу Русија и Украина.