Серхио Перез дури во 190. трка ја оствари првата победа во Формула 1, откако денеска славеше на трката за Големата награда на Сакир која е претпоследна трка сезонава.

Успехот на Перез добива на тежина доколку се знае дека во првиот круг тој имаше контакт во возачот на Ферари, Шарл Леклер по кој падна на 18. место во тие моменти.

The longest wait for a first win in F1 history is over…@SChecoPerez reacts to his fantastic maiden win ?#SakhirGP ?? #F1https://t.co/u7ZNIDABky

— Formula 1 (@F1) December 6, 2020

– Не знам што да кажам, се надевам дека не сонувам бидејќи многу пати во изминатите години сонував токму за овој момент. Ми беа потребни десет години, неверојатно. Немам зборови – изјави Перез.

Интересно е што минатата недела на трката за Големата награда на Бахреин која исто така се возеше на патеката Сакир, не успеа да ја заврши трката.

– По првиот круг си помислив дека ме чека исто сценарио. Меѓутоа, не сакав да се откажам, сакав да извлечам максимум од тешката ситуација. Оваа година немав среќа, но денеска конечно фортуната беше со мене – истакна Мексиканецот кој се уште нема тим за наредната сезона.

Како една од опциите за Перез во наредната сезона се споменува тимот на Ред Бул каде би дошол на местото на Алекс Албон.
– Можеби сега шансите ми пораснаа, но искрено ништо не зависи од мене. Ќе работам најдобро што можам како и досега. Доколку не бидам на патеките во 2021 година, се надевам дека ќе се вратам во 2022 година – додава Перез.