Американскиот секретар за одбрана Пит Хегсет побара од американската агенција за сајбер безбедност да ги прекине сите нејзини активности поврзани со Русија, вклучително и офанзивни дејства, објавија американските медиуми во неделата. Оваа суспензија е дел од поширок преглед на активностите на САД поврзани со Русија и нејзиното времетраење е непознато, истакна Њујорк Тајмс.

Американскиот Пентагон одби да ги коментира информациите, наведувајќи безбедносни причини. Властите речиси никогаш не ги коментираат постапките на агенцијата за сајбер безбедност, како и други тајни активности.

„За секретарот Хегсет, не постои повисок приоритет од безбедноста на борците во сите операции, вклучително и сајбер просторот“, истакна претставник на Пентагон.

Оваа суспензија беше објавена во време кога американскиот претседател Доналд Трамп почна да се приближува до Москва.

Откако беше еден од главните сојузници на Киев против руската инвазија, Вашингтон, под претседателство на Трамп, се чини дека сака да ја убеди Украина да прифати прекин на огнот без нужно да се грижи за добивање безбедносни гаранции, нешто што Киев го негира.

Русија често е обвинета дека води хибридна војна против западните земји, главно со цел да ја поткопа нивната поддршка за Украина, во контекст на која се вклучува во конвенционални тајни операции, како и напади врз сајбер-просторот и ИТ системи.

Но, ставот на Трамп е дека САД имаат други, поитни прашања за кои треба да се грижат.

„Треба да трошиме помалку време грижејќи се за Путин и повеќе време грижејќи се за имигрантските банди силувачи, нарко босови, убијци и луѓе од ментални институции кои доаѓаат во нашата земја – за да не завршиме како Европа!