Познато е дека таканаречениот триаголник за успех за секој пробив во позитивна насока на Западниот Балкан секогаш било Брисел, Вашингтон и регионалните главни градови, рече во својот говор Стево Пендаровски – Претседател на Севрна Македонија, на панел дискусита на тема „Воспоставување на нова синергија меѓу САД и Западен Балкан“ во рамките на Преспанскиот форум, пренесува „Слободен печат“.

-Европската Унија не способна сама да предводи, САД не би сакале да предводи сама, а регионалните елити не се заинтересирани. Конечниот резултат е дека Западниот Балкан, особено во минатата деценија заостанува во економска смисла зад ЕУ, повеќе од колку во предходната деценија. Вашингтон е тука само да регистира и да сведочи за падот на демократските индикатори, т.е. индикаторите на Фридом Хаус, па во демократска смисла, е поназад и падот е на ниво од пред 10 или 15 години – нагласи Пендаровски.

Тој, додаде дека политичката волја за да се постави нова синергија не е воопшто во прашање, но истакна, зборуваме за меѓународните интереси, на инволвираните чинители, политичката волја на Брисел, на земјите членки на ЕУ, националните интереси на САД, и за националните интереси на земјите од регионот од западнобалканската шесторка.

-Точно е дека по 11 септември САД го насочи својот интерес на друго место, особено кон Тихоокеанскиот регион, додека регионот меѓувреме беше помирен и поради неуспехот да се усвои европскиот устав во Франција. Поради референдумот во Британија и Франција, и поради политичката реторика меѓу водечките политичари. Суштината позади таа реторика ние може да ја дискутираме што е можно повеќе, но според мое видување само во форма на лесно ресетирање. Нема да видиме синергија меѓу двата дела на трансатланската заедница која што е толку важна за нас, како во 90-тите години – истакна Пендаровски.

Тања Фајон: Ниту една земја не може сама да се избори со предизвиците