Поглаварот на Руската православна црква, патријархот Кирил обраќајќи се на Светскиот руски народен совет, ултраконзервативен форум кој ја промовира обновата на Русија како единствена држава во границите на Советскиот Сојуз, рекол дека “алармот и шпекулациите на нуклеарната тема” биле користени од страна на руските непријатели како тактика за сеење на страв, објави Novayagazeta.

“Нема потреба да се игра заедно со сето ова. Христијаните не се плашат од т.н. крај на светот, дури и во контекст на нуклеарното оружје. Го чекаме Господ Исус, кој ќе дојде во голема слава, ќе го уништи злото и ќе ги суди сите народи”, рекол Кирил.

Но, можноста за апокалипса не треба да ги охрабрува христијаните да “седат со скршени раце”, продолжил тој, повикувајќи ги наместо тоа да дејствуваат како “воини на Господ” за да се спротивстават на злото и да ги бранат високите морални идеали.