Министерството за внатрешни работи ги известува граѓаните дека утре (28.03.2025) во периодот од 5 до 7 часот наутро на магистралниот пат ГП Блаце – Скопје, на околу четири километри од вториот кружен тек, во насока кон Скопје, ќе се извлекува камион со полуприколка кој денеска излетал од патот.

Иако претходно беше соопштено дека е можно патот во тој период да биде целосно затворен, од МВР велат дека сообраќајот ќе се одвива наизменично, а ќе бидат пропуштани само автомобили.

„Министерството за внатрешни работи ќе преземе мерки за посебен режим на сообраќајот, при што во наведениот период сообраќајот ќе се одвива наизменично само за патнички моторни возила“, велат од полицијата.

МВР апелира до сите учесници во сообраќајот да ги почитуваат наредбите кои ќе ги даваат полицајците.