Канадскиот тенисер Феликс Оже-Алијасим обезбеди пласман во полуфиналето на САД Опен, совладувајќи го Австралиецот Алекс Де Минор со 3-1 во сетови 4-6, 7-6 (9-7), 7-5 и 7-6 (7-4).

Де Минор одлично го започна мечот и го доби првиот сет со 6-4, но Оже-Алијасим возврати во вториот, каде по голема драма во тај-брејкот успеа да израмни со 9-7.

Во третиот сет, Канаѓанецот ја презеде контролата и го доби со 7-5, а конечната победа ја потврди повторно во тај-брејк, триумфирајќи со 7-4.

Во полуфиналето, Оже-Алијасим ќе се сретне со победникот од дуелот меѓу Италијанците Јаник Синер и Лоренцо Музети.