Најскапиот автопат во Германија беше официјално отворен во Берлин, објавуваат германските медиуми. По 12 години работа, нова делница долга 3,2 километри што ги поврзува раскрсницата Нојкелн со раскрсницата Трептов беше пуштена во сообраќај.

Станува збор за дел од градскиот автопат А100, чија изградба чинеше повеќе од 720 милиони евра, што го прави овој проект најскапата делница во германската историја. Кога ќе се подели вкупната вредност, доаѓа до неверојатна цена од 225 милиони евра по километар, пишува списанието Феникс.

– А100 е главната артерија на градот, оваа делница значително ќе ги растовари станбените квартови – рече на отворањето градоначалникот на Берлин, Каи Вегнер.

Покрај тунелот низ кој делумно поминува, новиот пат вклучува и 25 мостови, модерни звучни бариери, базени за собирање дождовница и иновативна соларна технологија. Според Autobahn GmbH, соларните системи ќе заштедат околу 84 тони јаглерод диоксид годишно.

Проценките се дека до 180.000 возила ќе поминуваат низ новата делница секој ден, што значително ќе го намали метежот во центарот на германската престолнина и ќе ги подобри врските со Источен Берлин, објавува Fenix ​​​​magazine.