Полицијата освен бизнисменот Ристо Крмзов, обезбедила уште двајца осомничени во врска со истрагата за злоупотреби и затајување данок, кои се проценуваат дека достигнале околу 15 милиони евра, соопшти Обвинителство за гонење организиран криминал и корупција (ОЈО ГОКК), откако претходно МВР информираше дека се гонат 23-ца осомничени, како и 15 правни лица, но штетата што ја процени е далеку поголема – 94,3 милиони евра.

„Под раководство на јавен обвинител од Основното јавно обвинителство за гонење на организиран криминал и корупција, полициски службеници реализираа акција во која е обезбедено лице за кое во септември минатата година беше отворена предистражна постапка. Освен ова лице обезбедени се уште две други лица, наведуваат од Обвинителството.

Обвинителството за утре најави брифинг за случајот.