Општина Ѓорче Петров денеска на Свети Василиј – симболот на дарежливоста и хуманоста, спроведе акција за доделување хуманитарни пакети на социјално загрозените лица и семејства.

Акцијата, како што информираат од Општината, беше реализирана во соработка со општествено одговорна компанија, со цел да се пружи поддршка на оние на кои им е најпотребна во овие празнични денови. Пакетите вклучуваа основни прехранбени и хигиенски производи, додека за радост на најмалите беа подготвени посебни пакетчиња.

Свети Василиј Велики целиот свој живот го посветил на помагање на најслабите, а неговото дело нè инспирира и денес. Со оваа акција сакаме да потсетиме дека секое семејство заслужува достоинствени празници и полна трпеза, изјави градоначалникот Стојкоски.

Според него, оваа иницијатива е уште еден доказ за посветеноста на Општина Ѓорче Петров да создава заедница заснована на хуманост, солидарност и грижа за најзагрозените категории граѓани.