Општина Центар, по барање на жителите, започна со реконструкција на надземниот дел од паркингот кај „Трготекстил“ .

 Постапувајќи по поплаки од жителите, кои се жалеа дека атмосферски води протекуваат во гаражите, се санира површина од вкупно 686 метри квадратни – информираат од Центар.

Во моментов на просторот се поставува нова изолација, а потоа, како што велат од Општината, ќе се постават и нови гранитни плочки на патеката за движење, а дополнително просторот ќе се зазелени и хортикултурно ќе се уреди со ново урбано зеленило.