Со почетокот на Светско првенство во фудбал еден тип на храна станува омилен за време на натпреварите. Неофицијално, пилешките крилца се најбараното мезе на љубителите на фудбалот бидејќи совршено одат во пар со кригла пиво.

Доколку ги поканивте пријателите заедно да гледате фудбал во вашиот дом, редно е да ги изненадите со вкусна закуска.

Подготовката на пилешките крилца во овој рецепт е стандардна, но тајната се крие во уникатната подготовка на додатокот, слатко – лут сос.

Состојки:

За пилешките крилца:
– 1,5 кг пилешки крилца
– 1 лажица масло
– 1 лажичка сол
– 1/2 лажичка црн пипер

За сосот:
-100 г мармалад од портокал
– 60 мл соја сос
– 1 лажичка масло од сусам
– 1 лажичка маслиново масло
– 2 чешниња толчен лук
– 1 лажичка рендан свеж ѓумбир
– 1 црвено луто пиперче

Подготовка:

Измијте ги и исчистете ги крилцата, па оставете убаво да се исцедат од водата. Префрлете ги во голем сад, додајте ги зачинете, измешајте добро да се залепат состојките за крилцата, па потоа ставете ги плех покриен со хартија за печење. Ставете ги да се печат во рерна загреана на 200 степени, 45- 50 минути.

Извадете ги готовите крилца и ставете ги во сад. Ставете ги двата вида масло во сад и на средна температура да се загреат. Додајте ги лукот и ѓумбирот, па мешајте околу 3 минути да се пржат на тивко.

Додајте ги лутата пиперка (ситно исечкана) и мармаладот, промешајте, па додајте го соја сосот. Гответе на средна температура со повремено мешање, околу 5 минути. Прелејте ги крилцата со сосот, промешајте малку и послужете веднаш.

Добар апетот!