ОЈО бара притвор за Емил Јакимовски
Обвинителството бара притвор за поранешниот член на ВМРО-ДПМНЕ и поранешен вработен во Централниот регистар Емил Јакимовски.
Препорачано
– Основното јавно обвинителство Скопје поведе постапка против едно лице за сторени кривични дела – Загрозување на сигурноста од член 144 став 2 (при вршење семејно насилство), Загрозување на сигурноста од член 144 став 4 (по пат на информатички систем), како и Неизвршување на судска одлука од член 377 став 5. Ценејќи ги сите околности во предметот, надлежниот јавен обвинител до судијата на претходна постапка при Основниот кривичен суд Скопје ќе достави Предлог за определување мерка притвор за осомничениот – стои во соопштението на ОЈО.
Јакимовски вечра беше приведен по низата закани што ги упати изминатиот период и по пријавите што ги поднесоа новинарките Мери Јордановска и Искра Коровешовска.
Тој во средата беше повикан на распит во полиција поради заканите, а покрај новинарките тој им се заканувал на директорката на Централниот регистар, Марија Бошковска-Јанковски, на вработени во институцијата и на градоначалникот на Кавадарци, Митко Јанчев.
