Охриѓанец отишол во јавното претпријатие за паркинг во градот, ја скршил вратата од паркингот и самиот си го зел автомобилот кој му го подигнал пајак, соопшти МВР. Тој сега ќе одговара за кривично дело „спречување на докажување“, за кое може да добие казна затвор до една година.

„СВР Охрид поднесе кривична пријава против Р.И.(51) од Струга поради постоење основи на сомнение за сторено кривично дело „спречување на докажување“ по член 368 од Кривичниот законик. На 10.01.2025 пријавениот отишол во јавното претпријатие „Комуналец“, со употреба на сила ја отворил вратата од паркингот каде се оставаат возилата кои биле подигнати од шлеп службата на ЈП „Билјанини извори“, го земал своето возило „фолксваген поло“ со струшки регистарски ознаки, кое претходно било подигнато од шлеп службата на претпријатието и заминал“, пишува во полициското соопштение.