Најавите кои се појавија претходно денес добија и официјална потврда – Евертон остана без 10 бода!

Премиер лигата поради финансиската загуба од 124 милиони фунти во последните три години што е далеку од дозволеното го казни клубот од „Гудисон Парк“ со одземање на 10 бода.

Станува збор за најострата казна во историјата на Премиер лигата, а во клубот се шокирани тврдејќи дека во последната деценија во Премиер лигата имаше клубови кои трошат многу повеќе од нив.

Со одземените десет бода Евертон сега има само четири и се наоѓа на претпоследното место на табелата со ист број како и последниот Барнли. Претходно во целата историја на Премиер лигата со одземање на бодови биле казнети со Миделсброу во сезоната 1996/97 и Портсмунт во март 2010 година.

„Клубот смета дека Комисијата донесе тотално диспропорионална и неправедна спортска санкција. Евертон со ќе го следи развојот на случаите со другите клубови кои се наоѓаат во слична ситуација“, се вели, меѓу другото, од реакцијата на „карамелите“.