Фото: Middlesbrough FC/Twitter

Oфицијално: Мајкл Керик нов тренер на Мидлсброу

Како и што се најавуваше легендата на Манчестер Јунајтед, Мајкл Керик е нов тренер на Мидлсброу.

Во краткото соопштение Мидлсброу потврдува дека Керик ќе биде нивниот нов предводник. Керик своевремено беше еден од најдобрите англиски фудбалери и важен дел од тимот на Манчестер Јунајтед.

Керик освен што беше играч, работеше и како асистент во клубот на Жозе Мурињо и Оле Гунар Солскјер. Кратко, само три натпревари беше главен тренер Манчестер Јунајтед по заминувањето на Солскјер. Во тие три натпревари (Виљареал, Арсенал и Челзи) забележа две победи и едно реми.

„Среќни сме што можеме да му посакаме добредојде на Мајкл. Преговаравме со неколку кандидати, но Мајкл се покажа како најдобар избор. Тој ги цени и почитува истите вредности како и ние, имаме слични амбиции“, изјави претседателот на клубот, Стив Гибсон.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот