Одложено е денешното судското рочиште од процесот што пред Основниот суд во Охрид се води во врска со нападот врз Христијан Пендиков, секретарот на бугарскиот културен клуб во Охрид.

Причина за неодржувањето на рочиштето е штрајкот на вработените во судската администрација, кои и денеска протестираат пред судската зграда. Следното рочиште е закажано за 26 октомври.

Инаку, во судницата беа присутни и оштетениот Пендиков и првообвинетиот во предметот Илија Спасески.

Охриѓанецот Пендиков, кој во меѓувреме доби бугарско државјанство и моментално живее во Софија, пред девет месеци беше жртва на физички напад во кафуле во Охрид, а ден потоа со владиниот бугарски авион беше пренесен на лекување во Бугарија.