Претседателот на Комисијата за исчезнати лица на Владата на Србија, Вељко Одаловиќ, за РТС вели дека Албин Курти континуирано ја дестабилизира ситуацијата на Косово и Метохија, провоцира и злоупотребува се што може за да донесе што поголема несигурност на северот на Косово и Метохија и меѓу сите Срби.

„Уште еднаш имаме иста или слична реторика од центрите кои многу често го повикуваат да не прави нешто што тој го направил. Тоа се и Квинта и САД и ЕУ. Тоа е нешто што не го одобруваат и дека не се согласиле, но нема последици. Зградите се окупирани. Дали некој ги повикал косовските полицајци или тие што се во зградите да си заминат и да се вратат кај беа? Никој“, нагласува Одаловиќ.

Тој посочува дека има инструменти и вели дека нема дилема дека тие што гласно ги повикуваат да не прават нешто, можат да го спречат и да ги санираат последиците.

„Овој ден е многу неизвесен и предизвикува голема загриженост. Ова се непроспиени ноќи за Србите во областа на Косово и Метохија, бидејќи ваква бруталност не се очекуваше и не се очекуваше ваков редослед на потези“, вели Одаловиќ.

Тој смета дека најголемата грешка на меѓународната заедница е што си даде за право да ги прогласи за легални резултатите од изборите кои Србите ги бојкотираа.

Одаловиќ посочува дека одлуката за прекин на наставата на северот на Косово е рационална.

„Бруталноста што ја покажаа припадниците на косовските полициски сили покажува дека децата треба да се засолнат и да се чуваат на безбедно бидејќи не знаеме на што се подготвени. Сигурно е дека не знаеме што би можеле да направат“, посочува Одаловиќ. .