Неодамна екипата на Вардар потпиша договор со регионалниот тв канал „Спорт Клуб“.

Натпреварите на „вардарци“ почнувајќи од ова коло ќе се пренесуваат на оваа телевизија. Станува збор за пакет кој ги вклучува само домашните натпревари на црвено-црните.

Преносите ќе започнат од овој викенд. Вардар в недела ќе игра против Беса во рамките од 8. коло во ВМФЛ. Натпреварот ќе се одигра на стадионот во Автокоманда во терминот од 14:00 часот.

Ваков договор претходно телевизијата „Спорт Клуб“ склучи и со Академија Пандев. Вардар сезонава е лидер во второлигашката конкуренција и ако се суди по почетокот на сезоната на добар пат се да се вратат во друштвото на најдобрите наредната сезона.