Општина Центар ја заврши реконструкција на спортското и детско игралиште во населбата Кале, инвестиција, која според градоначалникот Горан Герасимовски, покажува дека  Општината продолжува со активното унапредување на јавните простори во сите маала.

Изминатиов период инвестиравме во нови спортски и детски игралишта низ Центар. Се грижиме тие да бидат модерни, функционални и достапни за сите, затоа што активниот живот и квалитетниот јавен простор се приоритет за нас, вели Герасимовски.

Во рамки на реконструкцијата на игралиштето на Кале е изградено ново фудбалско игралиште со современа подлога, поставена е на заштитна ограда,  нова тревна подлога на детското игралиште, изграден е летниковец за одмор и социјализација и целосно е уреден просторот со елементи за спорт и рекреација.

Од Центар апелираат до сите граѓани да ги чуваат и заеднички да се грижат за јавните простори, особено за детските игралишта.

Вандализмот не само што предизвикува материјална штета, туку и ја загрозува безбедноста на најмладите. Овие простори се создадени за децата и заедницата – да ги зачуваме и почитуваме како такви, велат од Центар.