Две згради на улица Јуриј Гагарин во Карпош добија нови фасади со помош на средства од Општината. Нивните фасади не биле обновени 45 години, а сега покрај што се разубавени, зголемена е и нивната енергетска ефикасност. Претходно беше реконструирана и фасадата на станбен објект на улицата Братфордска, а ќе се продолжи со обновување на надворешниот изглед и на две десеткатници на улицата Јуриј Гагарин, број 53 и 70.

Градоначалникот на Општина Карпош, Стевчо Јакимовски објасни што се работи во моментов и што е планирано да се реконструира во иднина и истакна дека од општинскиот буџет за оваа намена издвоени се околу 450.000 евра. По завршувањето на обновата на фасадите на улицата ,Јуриј Гагарин, ќе се се продолжи со работа и на други локации во Карпош.

По улицата ,Јуриј Гагарин, продолжуваме со реконструкција на фасадите на руските згради, после студентскиот дом ,,Гоце Делчев” од десната страна, односно на улицата ,Адолф Циборовски, кадешто се планирани да се обноват четири фасади – рече градоначалникот.