Француската полиција денес уапси четири лица кои се обидоа да ограбат продавница на модниот синџир „Луј Витон“ во градот Лил, користејќи мотоцикл, објавија француските медиуми.

Како што пренесува „Еуроњуз“ утринава, крадците ја пробиле задната врата од зградата со мотоцикл за да влезат внатре. Набргу потоа, полицајците интервенирале и уапсиле двајца крадци во продавницата.

Полицијата ги уапсила другите двајца соучесници недалеку од местото, а крадците не успеале да земат ништо од продавницата.