Премиерот на Обединетото Кралство Кир Стармер и францускиот претседател Емануел Макрон на денешниот самит го претставија договорот за мигранти „еден внатре, еден надвор“, а пилот-проектот ќе започне за неколку недели.

Стармер вели дека мигрантите што пристигнуваат со мали чамци ќе бидат „приведени и вратени во Франција во краток рок“.

За возврат, тој вели дека на друго лице ќе му биде дозволено да дојде во Велика Британија по „безбеден пат“ – и само ако веќе не се обидело нелегално да премине.

Преминувањето со мали чамци ќе биде „залудно“, додава тој.

Според Би-Би-Си, во градот Довер денеска пристигнале повеќе од 250 мигранти, а повеќе од 21.000 ја преминале границата со мали чамци досега оваа година.