Тренерот на Барселона, Ханси Флик се соочува со големи проблеми со повредени играчи, а на таа листа од вчера се приклучи уште еден фудбалер.

До вчера, надвор од составот беа Тер Штеген, Јамал, Балде и Гави, а од синоќа на листата се најде и Фермин Лопез. Веднаш по крајот на натпреварот против Хетафе, младиот играч се пожалил на болки во препоните и во солзи го напушти теренот.

По последниот свиреж, Фермин легна на тревата и со дланките го покри лицето, додека медицинскиот тим веднаш притрча за да му помогне.

Првичните лекарски прегледи не сe охрабрувачки, а денеска се очекуваат подетални информации за тежината на повредата. Потсетување, Фермин и на почетокот на минатата сезона имаше проблем со повреда, поради која пропушти 11 натпревари.

Преземено од: Спорт.ком.мк