Косовската полиција на преминот Мердаре заплени разна стока за која постои сомневање дека е шверцувана. Од КП прецизираат дека околу 11.00 часот на овој премин пристигнало возило марка „Цитроен“ со српски регистарски ознаки, управувано од српски државјанин, објави Коссев.

При претресот на возилото, полицијата пронашла и запленила два рачни часовници, седум парфеми, шест пара чевли, еден чифт спортски панталони, 11 пара панталони различни марки, две јакни и две маици. Оваа стока, нагласи КП, немала пропратна документација. Стоката е привремено задржана и препратена до Царинскиот терминал.

Ова е воедно трета заплена на стока за која косовската полиција се сомнева дека е шверцувана, а ја пријавила во текот на денот. Тие вчера во два одвоени случаи, најпрвин во Јариње, а потоа и во Витина, одзеле разна стока, од алкохолни и безалкохолни пијалоци, до електрични тенџериња, грозје и ореви до женски чанти, елеци и чорапи.