Нов Зеланд објави дека дал зелено светло за медицинска употреба на псилоцибин, супстанција природно присутна во одредени халуциногени печурки, со надеж дека ќе се бори против депресијата.

– Псилоцибинот останува нелиценциран лек, но сега е дозволено да се препишува од високо искусен психијатар на пациенти што страдаат од депресија отпорна на третман – изјави вицепремиерот Дејвид Сејмур.

Тоа е значаен напредок за оние што биле погодени од депресија и пробале сè, а сè уште страдаат, додава тој.

Освен што мора да бидат искусни специјалисти, само психијатрите што учествувале во клинички испитувања на псилоцибин ќе можат да ом ја препишуваат оваа супстанција на своите пациенти, според многу строг протокол.

Научниците сè посериозно размислуваат за употреба на психоделици за лекување разни состојби, како што е депресијата.

Во 2023 година, Австралија веќе дозволи халуциногени печурки за медицински цели, како и екстази таблети за лекување одредени ментални болести.