Иако сè уште не се знае дали оваа сезона ќе се доигра или ќе биде прекината, челниците на СЕХА лигата го прават списокот на учесници за наредната сезона.

Во новата сезона, ќе има и дебитант, станува збор за тимот кој сезоннава натпреварите неелитната група од Лигата на шампионите ги заврши без пораз и преку Спортинг дојде до дуел со ПСЖ кој нема да се оствари поради одлуката на ЕХФ, тоа е романскиот тим Динамо Букурешт.

– Не повикаа од СЕХА и во наредната сезона ќе бидеме дел од ова престижно натпреварување во кои гордо ќе го претставуваме романскиот ракомет – потврди претседастелот на клубот, Даниел Георгеску кој најави дека неговиот тим ќе биде уште посилен идната сезона.

– Можам да ветам дека ќе бидеме уште посилни. Спонзорите ќе не подржат бидејќи гледаат што можеме да направиме.

Актуелен шампион во СЕХА лигата е македонскиот и европскиот првак Вардар, кој доколку се одлучи да се доигра сезоната, титулата ќе ја брани на завршниот фајналфор турнир кој треба да се одигра во Задар, Хрватска.