Норвешка и Холандија се подготвени да помогнат во финансирањето на купувањето на американските ракетни системи за воздушна одбрана „Патриот“ за Украина, објавија денес претставници од тие земји.

Норвешкиот премиер Јонас Гар Стор изјави во Берлин, на заедничка конференција со германскиот канцелар Фридрих Мерц, дека Норвешка е подготвена да помогне во финансирањето на купувањето на системот „Патриот“ за Украина, објави Ројтерс.

Холандскиот министер за одбрана Рубен Брекелманс изјави дека земјата ќе даде „значаен придонес“ за испорака на американски системи за воздушна одбрана на Украина, објави денес холандскиот весник „Де Телеграф“. Брекелманс не прецизираше точно како Холандија ќе го стори тоа, објави „Танјуг“.