По минатогодишниот фантастичен стенд-ап настап на сцената на македонската филхармонија, еден од најдобрите балкански актери со холивудска кариера, Никола Ѓуричко повторно гостува во Скопје.

Човекот кој на големото платно одигра фантастични ликови во легендарни филмски остварувања како „До коска”, „Молњи”, „Кога ќе пораснам ќе бидам Кенгур”, „Зона Замфирова” и секако ликот на Јури во мега-популарната продукција на Нетфликс, „Чудни нешта”, овој пат гостува со неговиот бенд „Џони миднајт трио“.

„Џони миднајт трио“ е остварување на детскиот сон на Ѓуричко. Бендот е основан во едно студио во Лос Анџелес во 2021 година. Триото го сочинуваат Никола (Џони) Ѓуричко – гитара и вокал, Александар (Мексико) Пантиќ – бас и Срѓан Миленковиќ – тапани.

Од опуштено џемување во студио во пандемските времиња во 2020-та, преку пријателска музичка размена, до идеја за формирање на бенд и објава на нивниот деби албум насловен „По сеќавање”.

Албумот се состои од авторски песни, но и преработки кои триото ги сними кон крајот на 2022 година во студио во Лос Анџелес. Брас секцијата пак е снимена во белградско студио, а потоа целиот материјал е пратен на финален микс кај познатиот продуцент Мајкл Патерсон во Лос Анџелес.

Ова е прва турнеја на бендот. На настапот на „Џони миднајт трио“ во Скопје ќе можете да ги слушнете нивните авторски дела, но и нивна верзија на топонимите на југословенскиот рокенрол: „ЕКВ“, Дадо Топиќ, Слаѓана Милошевиќ, „КУД Идијоти“, „Азра“, „Шарло Акробата“.

Авторските песни се создадени токму под влијание на овие рокенрол класици, односно во периодот кога „младиот” Ѓуричко се обидел да создава музика, за 30-тина години подоцна, по сеќавање, без нотен запис, да ги рекреира, сними и издаде на носач на звук.

Интересна, несекојдневна и возбудлива вечер во најава. Настанот е најавен за 03.07.2024, со почеток во 21:00 часот во Јавна соба.

Влезници по прва цена од 900 денари, достапни на www.bileti.drugastrana.mk.

Капацитетот е строго ограничен.