Полицијата се обидува да открие кој ставил непозната супстанца во водоводот во скопското село Булачани, што предизвикало водата да ја смени бојата и миризбата, соопшти МВР.

„На 12.03.2025 во 21:30 часот во СВР Скопје, од Јавното комунално претпријатие Гази Баба било пријавено дека од 22:00 часот на 08.03.2025 до 07:00 часот на 10.03.2025 во Булачани, населението и вработените забележале дека водата има променета боја и миризба. По извршени проверки од Јавното комунално претпријатие Гази Баба, било констатирано дека во водоводниот систем во делот после изворот и пред резервоарите за вода била вметната непозната супстанца. Се преземаат мерки за расчистување на случајот“, пишува во полициското соопштение.