Фудбалските лиги низ Европа полека се враќаат на терените, прва која го проби мразот е Бундеслигата, но Црногорците одлучија да одат чекор понапред. Црногорската влада одлучи дека фудбалската прва лига ќе се игра пред гледачи со што е првата држава во Европа која не дозволи стадионите да бидат празни.

– Ќе биде ограничен бројот на навивачи на стадионите, а деќа ќе има строги безбедносни мерки – изјави премиерот на Црна Гора, Душко Марковиќ.

Оваа одлука на владата на Црна Гора доаѓа неполни 24 часа откако официјално прогласи победа над коронавирусот бидејќи четири дена по ред немаше ниту еден заболен од ковид-19.

Моментно лидер на табелата во Првата лига е Будуќност со 11 бодови предност пред шампионот Сутјеска, а до крајот на првенството треба да се одиграат уште 13. кола.