Новиот висок висок претставник на ЕУ за надворешна политика и потпретседателот на Европската Комисија Жозеп Борел, ќе направи пресврт од 180 степени во водењето на дијалогот меѓу Белград и Приштина во однос на оној кој го форсираше досегашната висока претставничка Федерика Могерини и која поддржуваше дел од американската администрација, потврдуваат за Неделник, соговорници од повеќе членки на ЕУ кои се запознати или работат на досието на Србија и Западен Балкан.

Борел ќе го именува својот специјален претставник за дијалогот меѓу Белград и Приштина, кој нема да биде дипломат, туку, по можжност, што поискусна и похаризматична политичка фигура.

Борел и неговиот специјален претставник ќе ја практикуваат политика на мали чекори и нема да бараат ниту да вршат притисок врз двете страни за да се најде дефинитивно решение.

– Покрај промените во пристапот на Борел во дијалогот меѓу Белград и Приштина, ќе дојде и до големи промени во методологијата на преговарање на Србија со ЕУ, ако биде усвоена, поглавјата ќе се намалат на 35, што значи напредок на Србија во преговорите со ЕУ. Новост ќе претставува и таканаречената постепена интеграција на Србија во ЕУ, односно Србија по затворање на секое ново поглавје ќе станува „де факто“ членка на ЕУ во материјата на тоа поглавје – вели за Неделник добро позициониран извор во институциите на ЕУ.

Новата методологија на преговарање се очекува да биде усогласена во следните неколку месеци и се очекува да биде одредена на Европскиот совет во март следната година и потоа официјално да биде усвоена на мајскиот самит на ЕУ – Западен Балкан во Загреб.