Италијанската фудбалска федерација започна истрага за наводните антисемитски слогани што ги извикуваа навивачите на Јувентус и Интер за време на натпреварите од петтото коло во Серија А.

Во саботата на натпреварите меѓу Фиорентина и Јувентус (1:1) и Милан и Интер (3:2) можеше да се слушне скандирање во кое наводно се споменуваат Евреи.

– Не на дискриминацијата. Ова е обврска која секогаш сме ја преземале. Тоа е во нашата историја, такви сме ние. Обединети браќа – објави Интер.

Италијанската фудбалска федерација покрена истрага и против тренерот на Лацио, Маурицио Сари, поради навреди кон судијата и целата судиска организација при поразот од Наполи од 1:2 на домашен терен.