32-годишна жена од Свети Николе пријавила во полиција дека пред неколку дена, рано наутро била нападната на своето работно место во индустриската зона Бунарџик, од страна на нејзин сограѓанин, кој употребил и тврд предмет, соопшти МВР. Во полицискиот билтен не пишува дали напаѓачот е колега на нападнатата жена.

„На 15.04.2025 во 15 часот В.Б.(32) од Свети Николе пријавила дека на 11.04.2025 околу 02:30 часот, додека извршувала работни задачи во индустриската зона „Бунарџик“, била физички нападната од А.М. од Свети Николе, кој употребил и тврд предмет. Се преземаат мерки за расчистување на случајот“, пишува во полициското соопштение.