Во близина на Драч, Албанија, на плажата кај познатата природна атракција Карпата на Каваја (Шк’мби и Кавај’с), попладнево се удавил македонски државјанин, јавија локалните медиуми.

„Немилиот настан се случи во 19 часот кога 66-годишен жител на Македонија се удави во морските води. Според првичниот наод, странскиот турист доживеал срцев удар веднаш по влегувањето во морето“, соопшти албанската полиција.

Откако забележале дека му се слошило во водата, кон него веднаш се упатиле други посетители на плажата, а набрзо се обидела да интервенира и итната помош, но лекарската екипа можела само да ја констатира смртта на човекот.