Најскапиот автомобил во светот чини дури 27 милиони евра!
Еден бренд на автомобили ги помести границите на екстраваганцијата, создавајќи возило вредно повеќе од многу каравани и повеќе од двојно поскапо од приватните авиони.
Станува збор за модел на „Ролс-Ројс“, „дроптеил“, чија цена е 27 милиони евра. Со само четири произведени примероци, од кои секој е уникатен, овој автомобил стана нов симбол на престиж и богатство.
Препорачано
-
1
-
2
-
3
Иако на прв поглед е тешко да се оправда толку висока цена, конструкцијата и ентериерот на возилото објаснуваат зошто е толку висока. „Дроптеил“ е изграден во фабриката на „Ролс-Ројс“ во Гудвуд, користејќи ги најдобрите материјали, ретките скапоцености и најдоброто од британскиот инженеринг. Ултралуксузниот тим за каросерија црпел инспирација од класичните модели на „Ролс-Ројс“ од минатото, како што се „Silver Ghost“ од 1912 година и „Phantom Brewster New York Roaster“ од 1930 година. Сепак, „дроптеил“ е направен со употреба на модерни материјали, како што се јаглеродни влакна, што го прави посилен и полесен- објави Каматица.
Достава до дома од Кина- електричните автомобили пристигнуваат на ваша адреса
Првиот модел, „La Rose Noire Droptail“, беше претставен во август 2023 година. Инспириран е од розата „Black Baccara“ и е обоен во уникатна нијанса наречена „True Love“. Потребни беа повеќе од 150 обиди за да се добие совршената боја.
Под хаубата, „дроптеил“ е опремен со огромен 6,75-литарски двоен турбо V12 мотор, кој испорачува речиси 600 коњски сили.
Купувачите на автомобили во вредност од 27 милиони евра добиваат и дополнителен луксуз. Заедно со возилото, се подарува и специјално изработен часовник од швајцарскиот бренд „Audemars Piguet“, кој може да се користи и како часовник во автомобилот. „Дроптеил“ има и преграда за шампањ по нарачка, дизајнирана да ги одржува шишињата на идеална температура.
„Ролс-Ројс“ доминира на листата на најскапи автомобили во светот, со три модели во првите десет. Францускиот Bugatti го следи, а нивниот модел „La Voiture Noire“ чини вртоглави 12,2 милиони евра. Сепак, најскапиот автомобил некогаш продаден на аукција е Mercedes-Benz 300 SLR Uhlenhaut Coupe од 1955 година, кој се продаде за повеќе од 122 милиони евра во 2022 година.
