Кинеските научници развија камера со 500 мегапксели која четири пати подетално може да препознава лица во групи од над десетици илјади луѓе во протести или на спортски стадиони, објави британски „Телеграф“.

Ова најново откритие дополнително ја зголемува загриженоста за граѓанските слободи во земјата, поради неверојатно брзиот развој на надзорните технологии поврзани со вештачката интелигенција.

Наречена „супер камера“, најновото технолошко откритие е претставено на Индустрискиот саем во Кина минатата недела.

Се проценува дека Кина во моментов има над 200 милиони надзорни камери кои го надгледуваат населението. Во изминатите неколку години, земјата создаде ситстем за оценување на населението според податоци од нивниот живот, како нивната можност за подигање на кредити во банките, дали донираат за добротворни цели, и дали се добри родители.

Казните и наградите кои граѓаните ќе ги добиваат засновани на нивните оценки, потоа ќе влијаат врз можноста да учат во подобри училишта и универзитети, како и врз можноста да патуваат низ земјата.

Моменталниот систем од надзорни камери е главната алатка за собирање на податоци за нивните граѓани, но камерите не се секогаш доволно моќни за да можат јасно да го прикажат ликот на некој човек кој се движи или стои во голема група на луѓе. Новата камера со 500 мегапиксели, или 500 милиони пиксели, ќе помогне при распознавањето.

Системот на вештачка интелигенција кој е вметнат во камерата ќе може да скенира група на луѓе и да индентификува индивидуалци во неа за само неколку секунди.