Минатата година во пристаништата на ЕУ биле регистрирани 395,3 милиони патници, што е за 5,8 отсто повеќе од 2022 година. Како што објави Еуростат, бројот на патници и понатаму е помал од пред пандемијата  за 5,5 отсто во однос на 2019 година. Италија и Грција доминираат во морскиот патнички сообраќај на Европската Унија, пренесува Мина.

Минатата година, италијанските пристаништа забележале најголем број патници – 85,4 милиони или 22 отсто од вкупниот број поморски патници во ЕУ, додека грчките пристаништа имале 75 милиони патници со учество од 19 отсто. Десетте најпрометни патнички пристаништа во ЕУ сочинуваа повеќе од една петтина од поморскиот патнички сообраќај во ЕУ. Шест од првите десет пристаништа се наоѓаат на Медитеранот, три на Балтикот и едно во Североисточниот Атлантик, објави Политика.рс.