Бројот на жртви во земјотресот со јачина од 6,9 степени што го погоди филипинскиот остров Себу во вторник се искачи на 72, соопшти агенцијата за цивилна заштита, додавајќи дека 294 лица се повредени, пренесува Ројтерс.

Многу згради се урнаа, мостови се уништени, а во областите во близина на епицентарот имаше и големи прекини на електричната енергија.

Земјотресот од вторникот беше најсмртоносниот на Филипините од 2013 година, кога земјотрес со магнитуда од 7,2 степени го потресе островот Бохол, при што загинаа 222 лица.

Филипините се наоѓаат на таканаречениот „Огнен прстен“ во Пацификот, каде што се сечат тектонските плочи и каде што сеизмичката и вулканската активност се интензивни.

ВИДЕО | Најмалку 69 жртви во земјотресот со јачина од 6,9 степени на Филипини