Бројот на луѓе што загинаа во земјотресот што денеска го погоди Тибет се искачи на 126 лица, а повредени се 188. Светските агенции јавуваат дека земјотресот кој беше со јачина од 6,8 степени според Рихтеровата скала, уништил стотици куќи, а улиците се преполни со урнатини. Се верува дека уште луѓе се заробени под уништените згради. Повеќе од 3 илјади спасувачи се на терен, според Кинескиот јавен сервис.

Земјотресот се случи во 9 часот и 5 минути.

По првичниот земјотрес, денеска во оваа област беа регистрирани повеќе од 150 последователни потреси, од кои десет беа со јачина поголема од 6 степени, објави Американскиот геофизички институт.